RASA BASA.1

Antuk rasa basannyane, kruna-kruna basa Bali kaperang dados petang paos, inggih punika : (1), kruna alus, (2), kruna mider, (3), kruna andap, lan (4), kruna kasar.

yening melarapan antuk Kruna Alus dados petang paos, inggih punika : a. kruna alus mider, b. kruna alus madia, c. kruna alus singgih, lan d. kruna alus sor.

a. kruna alus mider

kruna alus mider inggih punika kruna alus sane rasa basannyane dados kanggen nyinggihang sang sane patut kandapang. ring sor puniki katur conto:
(a.1) ida sampun rauh saking jawi;
(a.2) adin titiange sube teke uli jawi.

conto (a.1) kaanggen antuk sang sane kasinggihang, selanturnyane antuk conto (s.2) kaanggen antuk sane patut kaandapang.

b. kruna alus madia
inggih punika kruna alus sane rasa basannyane pantaraning rasa basa alus singgih ring basa alus sor. kruna alus madia puniki pinaka variasi kruna alus tiosan. tiosan ring punika, gumanti wenten kruna sane rasa basannyane gumanti wenten kruna sane rasa basannyane gumanti alus madia. umpami : nika, niki, ampun, tiang, ngajeng, sirep.

c. kruna alus singgih

kruna alus sane kanggen nyinggihang sang sane patut kasinggihang kawatanin kruna alus singgih. kruna alus singgih puniki punaka pelengkap kruna alus mider, santukan kruna alus singgih nenten madue wangun alus mider, umpami : seda, mobot, ida. alus singgih, conto: ida sampun seda

d. kruna alus sor

kruna alus sane kanggen ngasorang raga miwah ngasorang sang sane patut kakasorang kawastanin kruna alus sor, sajeroning wangun lengkara kruna alus sor paueke ring kruna pangentos alus sor. conto sajeroning lengkara, ipun sampun padem